البلوجر محمد مكاوي يوضح حقيقة اتهامه بخيانة أم ابنه بعد خطوبته من هند مدحت
أعلن البلوجر محمد مكاوي خطوبته من المذيعة هند مدحت، في خطوة أثارت تفاعلًا واسعًا بين رواد مواقع التواصل الاجتماعي، قبل أن يواجه انتقادات واتهامات بالخيانة للبلوجر نورهان عماد، والدة ابنه.
ودفع الجدل المثار حول علاقته السابقة بخطيبته الحالية محمد مكاوي إلى الخروج عن صمته، موضحًا حقيقة ما حدث، ومؤكدًا أن زواجه السابق انتهى رسميًا قبل سنوات من ارتباطه بالمذيعة هند مدحت.
محمد مكاوي: «محدش خان حد ومفيش ضحية في القصة»
وكتب محمد مكاوي عبر حسابه على موقع التواصل الاجتماعي «فيس بوك»: «اتنين عملوا حلال ربنا وقروا فاتحة واتخطبوا وهيتجوزوا إن شاء الله، واتنين كانوا متجوزين بحلال ربنا وانفصلوا من أكثر من سنتين.. محدش خان حد، ومحدش اتظلم، ومفيش "ضحية" في القصة».
اقرأ أيضاً
وأضاف: «زواجي السابق انتهى من أكثر من سنتين، وبعد انتهاء الزواج والانفصال بمدة طويلة، بدأت علاقة جديدة، والنهارده الحمد لله فيه خطوبة ونية للزواج إن شاء الله».
مكاوي يكشف طبيعة علاقته بهند مدحت
وتحدث البلوجر عن علاقته بخطيبته الحالية، موضحًا أنها كانت صديقته منذ 11 عامًا، وأن معرفته بها لم تكن من خلال زوجته السابقة.
وقال: «خطيبتي كانت صاحبتي من 11 سنة، ومعرفتهاش عن طريق زوجتي السابقة، إحنا في الأساس كلنا زمايل في نفس مجال الشغل ومعارف من سنين، وده عمره ما كان معناه إن فيه علاقة أو حاجة مستخبية».
وأشار إلى أن طبيعة عملهم تتضمن السفر والمشاركة في الفعاليات والتصوير والتعامل مع عدد كبير من الأشخاص، مؤكدًا أن وجود شخصين في رحلة عمل أو فعالية واحدة أو ظهورهما في صور مشتركة لا يعني بالضرورة وجود علاقة شخصية بينهما.
وأضاف: «مفيش علاقات اتداخلت، ومحدش خان حد، ومحدش أخد مكان حد، ومش لازم كل قصة انتهت يبقى فيها ضحية وجاني، ومش لازم كل بداية جديدة تبقى على حساب حد تاني أو معناها إن فيه حاجة حصلت في الماضي».
محمد مكاوي يرفض نشر صور هند مدحت قبل الحجاب
كما انتقد محمد مكاوي تداول بعض الصور القديمة لخطيبته هند مدحت، والتي تعود إلى الفترة التي سبقت ارتداءها الحجاب، معتبرًا أن إعادة نشر هذه الصور أمر غير مقبول.
وقال: «في نقطة أهم، لما إنسانة تختار إنها تلتزم بأمر ربنا وتتحجب، إيه الهدف إننا نرجع نفتش في صورها القديمة قبل الحجاب وننشرها للناس؟».
واستشهد بآية قرآنية، مضيفًا: «اللي اختار يقرب من ربنا ويتبع أمره، الأولى إننا نعينه ونستره ونحترم اختياره، مش نرجع نطلع له صور من وقت هو اختار إنه يتجاوزه».
مكاوي يوجه رسالة إلى منتقدي خطوبته
وفي ختام حديثه، طالب محمد مكاوي رواد مواقع التواصل الاجتماعي بمراعاة تأثير ما يتم نشره عن حياة الآخرين، مؤكدًا أن بعض الكلمات والصور قد تتسبب في أذى لأشخاص لا علاقة لهم بالجدل الدائر.
وقال: «في الآخر، كل واحد فينا عنده حياة وبيت وأهل ومشاعر، والكلمة والصورة اللي بتتنشر ممكن تأذي ناس ملهاش أي ذنب.. فاتقوا ربنا في كلامكم وفي أعراض الناس وفي اللي بتنشره إيديكم».
واختتم رسالته قائلًا: «مش كل قصة محتاجة ضحية، ومش كل سعادة جديدة لازم ندور وراها على حد نلومه.. أما اللي بيحبونا وبيتمنالنا الخير، ادعولنا ربنا يتمملنا على خير، ويبارك لنا في اللي جاي، ويرزق كل واحد فيكم الخير والسعادة وراحة البال».
