ريهام سعيد تشعل السوشيال من جديد وتوجه رسالة لطبيب التجميل اللبناني
أعادت الإعلامية ريهام سعيد قضيتها مع طبيب التجميل اللبناني نادر صعب إلى الواجهة مرة أخرى، وقامت بحذف جميع صورها على صفحتها الشخصية بموقع الصور والفيديوهات الشهير إنستجرام.
ووجهت له رسالة مؤثرة وكتبت: “نادر صعب انت دمرت حياتي ده و لا عشان ميديا و لا قضايا انت لازم تعيش و انت فاهم انكً دمرت حياتي و مستقبلي أنا مسحت الصور القديمه لأني مش قادره أشوفها و أشوف اد ايه انت دمرتني و اد ايه أنا كنت جميله .
وأضافت ريهام سعيد في منشورها: و لا قادره أشوف صوري الجديده لأني مشوهه و مش أنا .. قريت تقرير الطب الشرعي ؟ قريت ان في خطأ طبي ؟ قريت اني مشوهه ؟؟؟؟ حسبي الله و نعم الوكيل فيك ربنا ينتقم منك يا رب و اي حد بينصرك عليه . أنا و لا حسه اني ست و لا حسه اني عايزه اعمل حاجه أنا انتهيت و انت السبب . قالوا لي ماتمسحينش كل الصور و كل حاجه عشان هاتخسري متابعين طب اعمل ايه وشي ضاع هايتابعوا واحده مشوهه ؟؟؟ ليه ؟؟ .
وواصلت الاعلامية في منشرها: أنا كده كده خسرت هويتي بعد ما ضيعت عينيه مفيش اغلي من كده هاخسر . ماعداش يوم من غير ما ابكي من الحزن علي الي انت عملته فيه. ذَرْهُمْ يَخُوضُوا وَيَلْعَبُوا حَتَّىٰ يُلَاقُوا يَوْمَهُمُ الَّذِي يُوعَدُونَ }:صدق الله العظيم . بقالي ٨ شهور يجري في القضايا و لسه ماوصلتش لحاجه بس أوعدك الحق راجع و أكيد في يوم هاتحس انت عملت فيه ايه .انا بستغيث باي دكتور شريف يقدر يحسن وشي مش للدعايه ولا المتاجره بيه .يا رب يارب يرزقني بدكتور يحييني بعد ما نادر صعب موتني .ارجو ان التعليقات المجرحه علي شكلي تقف لان مفيش فأيدي حاجه اعملها”.
