أول تعليق من حلمي بكر على أنباء حبسه وتعذيبه في الشرقية
تصدر اسم الموسيقار حلمي بكر محركات مواقع التواصل الاجتماعي خلال الأيام القليلة الماضية، بعد الحرب الكلامية بين زوجته سماح القرشي وابنه هشام، حيث صرح الأخير بأن أبيه مخطوف وزوجته تعذبه في محافظة الشرقية.
وفي أول تعليق للموسيقار حلمي بكر، بعد هذه الأزمة، أعرب عن استياءه الشديد، في تصريحات تلفزيونية، بسبب هذه الشائعات، معلقًا: آلة الحب اللي عندكم معرفش شكلها إيه، يا أتكلم وأقول أي كلام فاضي وأتهاجم.. فأنا بسكت، أنا موصلتش كدا خالص، ولا وصلت إني أبقى تافه وأرد وسعيد جدا أن خيبتنا بقت تقيلة.
وتابع الموسيقار حلمي بكر: اللي بيحصل ده بيحصل وأنا بتفرج مفيش حاجة تخليني أرد عليه، وأرد على ايه أصلا، اتكلم في هيافة؟ فأنا بسكت، والجمهور بيطمن سواء بالتطاول وبقلة الأدب ببعض اللي بيعملوا الكلام واللي بيهاجموني، وكل اللي بيعمل حاجة بيعمل، أنا قررت أني متكلمش في الحاجات دي خالص.
من جانبه، قال فتحي بكر، شقيق الملحن حلمي بكر، إن شقيقه قيمة وقامة فنية كبيرة في المجتمع ومن المفترض على الجهات المسؤولة تقف بجواره، والموضوع حدث معه منذ عامين، متابعًا: حلمي بكر في الموضوع ده من سنين واتصل بأسرته وحكى لنا اللي بيحصل من زوجته سماح القرشي والمشاكل اللي بينهم، وإحنا روحناله في الفترة دي وبعدها شوفناه في حالة مش كويسة ومريض وتعبان.
وأشار إلى أنه تحدث مع زوجة شقيقه، لافتا إلى أنها تعامله معاملة غير طيبة ولا تعرف قيمته، مختتمًا: جاءت لي رسالة صوتية مفادها أن شقيقي يتعرض للتعذيب.
