صفية العمري: مفيش حد امتداد ليا في الوسط الفني
كشفت الفنانة صفية العمري، عن تحضيرها لعمل درامي خلال الفترة الحالية، بجانب حديثها عن شخصية نازك السلحدار الشهيرة، التي جسدتها خلال أحداث مسلسل ليالي الحلمية.
وقالت صفية العمري في تصريحات تليفزيونية، تفاصيل تحضيرها لعمل درامي: أنا بحضر حاجة إن شاء الله مش عارفة هتلحق رمضان ولا لأ، والعمل الحلو بيعمل لوحده رمضان ولما بينجح بيجيب الجمهور، أنا فاكرة أن مسلسل ليالي الحلمية كان فيه جزء منه برا رمضان وحقق نجاح برضو.
وأضافت صفية العمري، أنها فخورة بتقديم شخصية نازك السلحدار، قائلة: أنا فخورة إني عملت نازك السلحدار والعمل ناجح وأسطورة موجودة وهتفضل موجودة لكل الأجيال اللي جاية، ومفيش حد امتداد لحد، كل واحد له شخصيته وإنه ينجح في تقديم شخصية مميزة والشطارة إنها تبقى فيها بصمة وتكمل.
أما عن إذا ما كانت ستكتب مذكراتها لتقديمها في عمل فني، فعلقت صفية العمري، قائلة: مظنش إني ممكن أكتب مذكراتي لأني معنديش الحاجة اللي تتكتب، ومفكرتش أكتبها.
وعلى جانب آخر، سبق وأن طالبت الفنانة صفية العمري، بحصول الفنانين على مقابل مادي، نظير عرض أعمالهم على القنوات التليفزيونية، وقالت في تصريحات تليفزيونية: إحنا الفنانين اللي أعمالنا بتتذاع كل يوم المفروض يبقى لينا عائد والحقوق بتاعتنا ناخدها لكن محدش مهتم.
وأضافت صفية العمري: العالم كله بيدفع للفنان، المنتجين مش هتدفع من جيوبها، لكن القنوات هي اللي مستفيدة والفنان مش مستفيد بحاجة، للأسف النهاردة فيه فنانين كتير مرضى، هل ينفع إن الدولة هي اللي تعالج الفنان؟ أنا غضبانة جدًا.
