طليق البلوجر هبة السيد: ولادي اتدمروا لما سمعوا من أمهم إن أخوهم بينام مع أخته
كشفت التحقيقات في قضية البلوجر هبة السيد صاحبة قناة أم زياد وهبة بمواقع التواصل الاجتماعي، أقوال طليقها الذي يدعى حمدي.ع 52 عامًا، حيث وجهت جهات التحقيق إلى المتهمة هبة السيد تهمة الإتجار بالبشر، بتعاملها في أشخاص طبيعيين هم أطفالها؛ حيث ظهرت في مادة على مواقع التواصل الاجتماعي تحت عنوان: مسكت ابني مع أخته في أوضة النوم بيعاشرها.
التحقيقات في قضية البلوجر هبة السيد
وينشر أنا حوا أقوال طليق البلوجر هبة السيد بالتحقيقات في القضية التي حملت رقم 7944 لسنة 2023 مركز الخصوص، والمتهمة فيها مع ابنها وزوجها.
وجاءت أقوال طليق البلوجر هبة السيد بالتحقيقات كما يلي:
هبه طليقتي طلعت قدام الناس والمتابعين اللى موجودين على قناتها على اليوتيوب وحسابها (الاكونت) التجارى على فيس بوك، تقول على عيالها محمد وحبيبة إنهم بيناموا مع بعض وتفضحهم، وحتى لو هما كانوا بيعملوا كده المفروض متطلعش قدام الناس كلها وتتكلم عليهم بالطريقة دى وتشهر بيهم.
وتابع طليق البلوجر هبة السيد: نفترض إن الكلام ده صحيح ليه جاية تحكي عند متابعينها بعد ما عدا على الموضوع 3 سنين وهي عملت كده عشان محمد ابني لما هي طردته من البيت هو وحبيبة أول ما رجعوا من الزيارة بتاعتي تاني يوم العيد الساعة 2:00 بالليل اتأثر نفسيًا وراح نازل السايبر ووقف الحساب المالي بتاع فيس بوك اللي كان عامله لأمه وبيديرلها عشان هي طردته من البيت ونفسه صعبت عليه وده السبب الرئيسي اللي خلاها تعمل الفيديو وهي قصدها تنتقم من محمد وشهّرت بيه هو واخته حبيبة ومفكرتش في حد فيهم.
وأضاف: بعد ما نشرت الفيديو وشهرت بولادي انا اتخرب بيتي ومبقتش عارف أودي وشي فين من الناس عشان الكلام ده ميصحش يتقال وكمان ولادي أكيد اتضروا نفسيا لما يسمعوا من أمهم إن أخوهم بينام مع اخته، وهي علمت العيال الكدب وأجبرتهم يظهروا في الفيديو اللي أنا شوفته واللي اتنشر على قناتها على اليوتيوب وعلى فيس بوك بحجة إنها بتشهدهم على اللي شافوه مع إن ابني محمد معملش حاجة مع أخته وكمان اتكلمت على عيالها محمد وحبيبة انهم بيناموا مع بعض قدام العيال الصغيرة، والكلام ده يأثر عليهم وكمان قبل كدة طلعت عيالي في فيديو يكدبوا ويقولوا إن الشقة الجديدة اتسرقت بالكدب، وهي أصلا متسرقنش عشان تعلي نسب المشاهدة على القناة.
