عربية وكيلو دهب.. حمو بيكا يتحدث لأول مرة عن هدية زوجته بسبب المولود الجديد
أعلن مغني المهرجانات حمو بيكا عن انتظاره لمولود بعد 3 سنوات من زواجه، قائلًا: «بعد 3 سنين، مراتي حامل لأول مرة، وفي الشهر الرابع، وطبعا فرحت لما عرفت الخبر».
وأضاف حمو بيكا، خلال تصريحات تليفزيونية: «فرحتي هتبقى أكبر لما أشوف المولود، ولسه مش عارفين ولد ولا بنت، ولو ولد هسميه فهد، ولو بنت هسميها تاج».
وكشف مؤدي المهرجانات حمو بيكا، حقيقة اهدائه زوجته قلادة ذهبية كبيرة وعدد كبير من المشغولات الذهبية وصلت لكيلو ذهب والتي ظهرت بها في الفيديوهات المتداولة لهما عبر مواقع التواصل الاجتماعي احتفالًا بعيد ميلادها.
وقال حمو بيكا إن الناس فاهمة الحياة كلها ذهب، متابعًا «زي ما قالوا إني عملت عربيتي بالذهب.. أنا معايا كام علشان أكسي كل العربية بالذهب، ده ورق اسمه ورق عيار 24.. السلسلة مش كيلو لأن كيلو الذهب يساوي أكثر من مليون جنيه وأنا مش معايا الفلوس دي.. ولو الناس فاهمة إن كل حاجة ذهب خليهم وعايز أقول للناس سيبوا الملك للمالك واسعد مراتك ولو بحاجة صغيرة».
وكان مؤدي المهرجانات حمو بيكا احتفل بعيد ميلاد زوجته، عبر حسابه الرسمي بموقع فيس بوك، وعلق قائلًا: «كل الأعوام هدية وأنت الهدية الجديدة في يوم ميلادك يا حبيبي، شمس حياتي بنتي ومراتي نورتي كل سنيني، وأثار ضجة واسعة وجدلًا كبيرًا بسبب هديته لها».
