فنانة شهيرة تفجر مفاجأة: شوفت النبي فى ليلة القدر وناس كتير حبتني علشان تنسبط

كشفت الفنانة حنان شوقى، السبب وراء اختفائها عن الساحة الفنية وعدم مشاركتها في أعمال تمثيلية الفترة الماضية، موضحة: "أنا دوست علي الدنيا وبما فيها واشتريت نفسي وقلبي وروحي، وذهبت لما خلقت علشانه".

وقالت "شوقي" خلال تصريحات تليفزيونية: "في لحظة من اللحظات لقيت نفسي غريبة في الدنيا وان روحي مش معايا، فقعدت ادعي ربنا كتير جدًا واقوله يا رب لو غلطانة عرفني وارشدني للصح، وفي شهر رمضان وانا بختم القراَن وانا قاعدة علي السرير شوفت النبي صلى الله عليه وسلم في اليقظة مش المنام في ليلة القدر، وده غيرتني 360 درجة واتهديت زي العمارة اتهدت وتتبني زي ما ربنا عايز من كل شئ نفسيا وروحانيا واخلاقيا وكل حاجة".

وأضافت الفنانة حنان شوقي: "انا كتلة حب متحركة على الأرض، وحياتي كلها حب وقلبي لا ينبض إلا بالحب الحقيقي"، مؤكدة: "ناس كتير حبتني علشان غرض أو ينسبط يومين، وانا قلبي ربانيا بيحس باللي بيقولي بحبك كذبا أو صدقا"، لافتت: "انا عايزة اتحب الحب الحقيقى اللى بجد علشان لما أعجز وهو عجوز نفضل نحب بعض".