عمى هددني بالفضيحة.. عجوز يعاشر ابنة أخيه وتحمل منه سفاحا بالجيزة
شهدت محافظة الجيزة واقعة مأسوية حيث تعرضت فتاة تبلغ من العمر 17 عامًا إلى الاعتداء جنسيًا من قبل رجل مسن يبلغ 67 سنة، وعاشرها معاشرة الأزواج ما أدى إلى حملها منه سفاحا.
وكشفت التحقيقات في القضية رقم 14863 /2022 جنح إمبابة والمقيدة برقم 3618 /2022 إداري منشأة القناطر، أن الرجل استدرج الفتاة وهتك عرضها، وقالت المجني عليها أمام جهات التحقيق: اللي حصل إن المتهم ابن خالة والدي ومن ساعة ما وعيت على الدنيا وأنا بقوله يا عمي وكنت أنا وإخواتي بنروح عنده في البيت وأخويا كان بيشتغل عنده في الأرض.
وأضافت الضحية: في شهر 2 اللي فات لقيت عمي -المتهم- جاي البيت عندنا، وخبط على الباب وقالي ابقي هاتي كيلو جبنة وتعالي، فأنا خدت كيلو جبنة وطلعت عنده البيت وأول ما وصلت لقيته قاعد برا البيت فقولتله الجبنة أهي، قالي طيب اقعدي، فقعدت على مصطبة معاه قدام البيت وكان بيني وبينه حوالي 2 متر، وبعد شوية قولتله هات الفلوس علشان أنزل لأني مش قايلة لأمي، فقالي اقعدي شوية بس، فأنا قولتله لا أنا هنزل، راح مسك عصاية وقالي لو مقلعتيش هدومك هموتك.
وتابعت المجنى عليها أمام جهات التحقيق قائلة: عمي راح قرب مني، وشدني من إيدي وخدني على البيت جوه أوضة ورفع الجلابية بتاعتي، وهو خلع ملابسه ومارس معي الجنس، وأنا أول مرة يحصل معايا كدا، وأثناء العلاقة الجنسية زقيته من كتفه، وبعد أن انتهى من فعلته خد رقم تليفوني من على تليفوني، وبعدها قالي خدي فلوسك أهي روحت مشيت ومخدتهمش وروحت على بيتنا، فأمي قالتلي انتي كنتي فين، قولتلها كنت عند بنت عمي وبعدين دخلت نمت، وبعدها بيومين راح رن عليا وقالي تعاليلي البيت ولو مجتيش هفضحك.
وأكملت الضحية: قعدت أفكر مع نفسي شوية وقولت أبويا لو عرف حاجة زي دي هيضربني فروحتله، ولما وصلت عنده خدني على أوضة في وسط الأرض بتاعته وبعدين راح قفل الأوضة بالترباس ومارس معي الجنس وبعد ما خلص لبست هدومي ومشيت، والموضوع دا اتكرر أكثر من مرة وكان بيكلمني في التليفون يقولي تعالي فكنت بروحله لحد آخر مرة عملها معايا كانت في شهر رمضان، وأنا مرضتش ومرحتش علشان الدورة الشهرية انقطعت.
وأردفت الضحية: قالي هو فيه حد بيعمل معاكي تاني، قولتله لا، قالي طيب روحي اكشفي، فأنا مروحتش وسألت واحدة صاحبتي قالتلي دي هرمونات في الجسم، ولما اتأخرت الدورة الشهرية 3 شهور روحت أكشف، فالدكتور قالي انتي حامل، فخفت أقول لأمي وقولت لواحدة صاحبتي، وفي الآخر قولت لعمتي قبل العيد الكبير بحوالي أسبوعين تقريبًا.
واختتمت الضحية أقوالها أمام جهات التحقيق: عمتي قالتلي هنقول لأبوكي وعمك علشان هنشوف هنتصرف إزاي فاتكلموا مع بعض، وفي الآخر قالوا نخليه يتجوزها فهو مرضاش، وفضلنا على كدا لحد ما أبويا قالي هنروح نعمل محضر.
وتحرر محضرًا فى القضية رقم 14863 /2022 جنح إمبابة والمقيدة برقم 3618 /2022 إداري منشأة القناطر.
