محمد عطية: ”أمي متقبلاني رغم الخلاف الفكري بيننا”
بعد تصريحاته التي أثارت جدلا واسعا، حول رأيه في المساكنة، وتفضيله لهذا الأمر على الزواج بعقود وأنه الأنسب من وجهة نظره، فتح الفنان محمد عطية الباب أمام أسئلة متابعيه عبر موقع انستجرام، واستقبل أسئلة أجاب عليها على خاصية القصص القصيرة.
ومن بين الأسئلة التي استقبلها عطية "والدتك محجبة وأكيد هي ضد أفكارك.. إزاي بتتخطوا الخلاف ده؟"، وكتب في رده على السؤال "ده اللي بحاول أشرحه دايما: إن مفيش حد مطالب أنه يتبع فكر أي شخص، كل المطلوب منك أن تتقبل الشخص، أمي متقبلاني رغم الخلاف الفكري بينا، عقولنا مش زي بعض وما تراه مقنع يراه غيرك تافه، في النهاية التقبل هو أفضل حل للتعايش مع كل الاختلافات اللي في الكوكب".
وقال عطية، حول فكرة إن قرار الطلاق يكون بيد المرأة، فقال: "الموضوع أبسط من كدة.. أنا قولت لكل اللي ارتبطت بيهم لو حسيتي انك ما بقيتيش تحبيني امشي، وده سبب كافي بالنسبة لي".
وعن مسألة الزواج في حياته، فأوضح: "أفضل الزواج المدني، وأتزوج على حسب الشخصية نفسها أيا كانت ديانتها (إسلامي، مسيحي)، المهم يكون الشخص اللي قدامي إنسانة، ده لو أنا أتجوزت.. لأن الزواج عرف بشري اخترعوه بسبب الزراعة، ولو أنا بحب إنسانة ليه المجتمع والقوانين تدخل ما بينا؟".
وتابع: "الأنسب أتجوز من غير عقد زي المساكنة، لأن المعظم بيتجوز عمياني مع أن الجنس جزء مهم في العلاقة، وأغلب حالات الطلاق بتحصل بسبب عدم توافق في الحياة الجنسية، فالأفضل نعيش مساكنة ونشوف ينفع نعيش مع بعض ولا لأ".
وأضاف: "مستحيل أتجوز واحدة لأني شفتها وعجبتني فاروح أتقدم لها ونعيش مع بعض ونخلف، لأن الجواز مسؤولية كبيرة جدا".
يذكر أن آخر أعمال الفنان محمد عطية مسلسل "حكايات يا كل الناس" الخليجي، من تأليف عبدالعزيز حشاش، ومن إخراج عبدالله تركماني.
