صديق شقيق رامي صبري يكشف كواليس الأيام الأخيرة قبل وفاته
أعرب صديق مقرب من شقيق رامي صبري عن استيائه الشديد لكل من هاجم كريم بسبب مشاكله الصحية التي تعرض لها، وأدت إلى دخوله مصحة لعلاج الإدمان، والذي توفى أمس إثر سقوط سيارته في ترعة المريوطية .
وكتب صادق عادل، صديق كريم صبري، عبر حسابه الرسمي بموقع «فيسبوك»: «کریم ماکنش بالصورة اللي بتتقال دي أبدا.. کریم ماکنش بالوحاشة دي بالعکس ده من أرجل الناس إلى عرفتها في حياتي.. ارحموه بقى ده خلاص مشي وسابكم بلاش التشويه ده في صورته».
وأضاف: «کریم کان مکتئب وتعبان من كل القريب منه واللي استنا منه مساعدة وملقهاش، کریم کان فنان وشاطر ومجتهد وملقاش الدعم الكافي فاکتئب وده طبيعي لواحد الناس فاهمة إنه ياما هنا ویاما هناك وهو ياعيني بيعافر وبيحاول بكل جهده».
وتابع: «للأسف اللي بيكون من عيلة فنية الناس بتستخسر تساعده وفاهمين إن العيلة الكريمة عاملة الواجب معاه وفي ناس تانية أولى، بس الحقيقي إن دہ غلط تماما لا حد بيساعد ولا قريب ولا غریب، صحابه بس اللي وقفوا جنبه، وكانوا بيحاولوا يعملوله حاجة مش أكتر سواء محمد شفيق أو كريم أسامة أو أنا أو كام شخص بس اللى قرييبن منه، لكن مفيش اللى الناس فكراه ده».
واختتم حديثه: «بلاش تشويه في إنسان شاف حياة صعبة وسابنا بطريقة أصعب بجد، مش عشان تجملوا حد تشوهوا في إنسان راح لربنا وكفاية كلمة أخوه الفنان رامى، على فكرة اسمه كريم صبرى وليه تاريخ مش بطال يتشرف بيه.. ارحموا عشان ربنا يرحمكم».
