أنا حواحكاوى السوشيال

طليقة لاعب كرة شهير تستغيث بالمسؤلين على السوشيال.. «هددنى بالقتل واتجوز 3 غيري»

ناشدت طليقة الكابتن أحمد عبد الغنى لاعب نادى حرس الحدود السابق ومنتخب مصر، رواد السوشيال ميديا عن طريق منشور مطول تشرح فيه معاناتها من تهديدها بالقتل من جهة طليقها.

 
وجاء المنشور كالتالى:-
“معلش محتاجه منكم تسمعوني وتساعدوني أجيب حقي وحق ابني، أنا طليقة كابتن أحمد عبد الغني لاعب منتخب مصر ونادي حرس الحدود سابقًا، بيهددني بالقتل ومعايا تسجيلات صوتية ليه بالتهديد كل ده عشان عايزني أتنازله عن الأحكام اللي واخداها ضده عشان مش بيصرف علي ابنه وطردني من الشقه وخد العفش وباع الشقة واتجوز ٣ غيري، ودي الأحكام اللي مش عارفه انفذها عشان معاه معارفه ووسايط ومحسوبية وعشان شخصية مشهورة بالرغم إن معايا عليه كذا الاحكام دي، حكم بست شهور برقم ٦٧٥٠ جنح المنيا لسنة ٢٠١٧، حكم ب شهر رقم ٩٤ لسنة ٢٠١٧ أسرة لامتناع عن تنفيذ متجمد نفقه ب ١٦٢٢٠٠، حكم ب ست شهور لسنة ٢٠١٧ نظير امتناعه عن متجمد نفقه ب ١٢٧٥٠٠، اشتكيت في كل مكان حتي اتحاد الكورة محدش بياخد معاه اجراء ودائما يقولي أنا راسي عالية فى البلد ومحدش يقدر يعملي حاجه وانتي هقتلك والايام الاخيرة زادت تهديداته ليا وأنا بقيت مرعوبة مش عارفه أعمل إيه، عملت كذا محضر لكن عشان مليش واسطة زيه محدش بيجي ناحيته مع اني كل شويه بيظهر في الاعلام، أنا بكتب ليكم وبتحامي فيكم عشان لو حصلي حاجه تبقي مصر كلها عارفة انه هو اللي قتلني والله العظيم أكل حقوقي وحقوق ابنه.
 
وتابعت، اتحملت معاه عذاب وعذاب نفسي بعد طلاقي كمان أرجوكم ساعدوني ف نشر مشكلتي واظهار الحقيقة للناس عشان لو جرتلي حاجة تبقوا عارفين أنا عملت محاضر بالتسجيلات دي وبردو ولا حياة لمن تنادي، محضر رقم ١١٣٦١، محضر رقم ١٦٩٤٢، محضر رقم ٦٧٨٣، ساعدوني أوصل صوتي ما تتخلوش عني، أنا مش قده.
 

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى