أنا حوابقلم آدم وحوا

سونيا الحبال تكتب.. «مسئول من.. ولا مسئول عن»

“تفرق كتيييير أوى”

“المسئول من” حد متطمن مرتاح أوى انه مسئول من حد، حد حاسس انه مستخبي في حضن حد، لا قلقان من حاجه ولا خايف من حاجه كل المطلوب منه بس يهز راسه ويقول شكرًا كتر خيرك، ولو معملهاش وكسل، برضه هيبقي مسئول من، دول المنعمين اللي نايمين مش شايلين لا هم ولا قلق، دول البراءه والراحه، ما عدا ناكرين الجميل اللي كل ما تتحمل مسئوليه من مسئولياتهم يقولك (وانتوا بتعملوا ايه يعني).

 
تعالوا بقي نتكلم عن الأهرامات، اهرامات، هنروحً الاهرامات، أيوا هنروحً الأهرامات، الاهرامات دول هما المسئولين عن دول أعظم من أي هرم من أهرامات الجيزة، خوفو وخفرع ومنقرع أقزام بالنسبالهم.
 
دول اللي مش بيناموا الا لما يعملوا اللي عليهم، دول ليل نهار بيفكروا في اللي مسئولين منهم في كل حاجة، دول ممكن ميناموش لو مقدروش يوفوا متطلبات الناس اللي حواليهم، علي فكرة الموضوع مش ست وراجل، الموضوع مسئول عن، ولا مسئول من.
 
إلي جميع المسئول عن، انتم الأهرامات وأنتم أبطال الحياة، انتم أكسجين الحياه لكل المسئولين منكم.
 
واذا كان هناك أعيادًا ابتدعتوها، لكل أم في عيدها، لكل حبيب وحبيبه في عيد الحب، فهناك عيدًا كل يومًا لكل مسئول عن، في مسئوليته الكبيرة والعظيمة، أعانكم الله في مسئوليتكم.
 

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى