بقلم آدم وحوا

تامر فؤاد يكتب: خليك في حالك

كلمة نغمها جميل … يا ريت زى ما بتسمعوا .. تفهمو كمان
السوشال ميديا مليانة ناس قاعدة 24/7 أون لاين و مشغولين جدا و سايبين حياتهم او بيتهم او شغلهم و مركزين اوى ، تيجى بقى تاخد فكرة علشان تشوف اية اللى شاغلهم اوى كدة عن كل حاجة فى الدنيا تلاقى بقى خد عندك يا سيدى :

مركزين أوى مع الممثلة فلانة الفلانية علشان كانت لابسة و لا قالعة ولا طالعة و لا نازلة … و الموضوع اصلو مش بيكون كلمتين تعليق و بس … لا لا لا لا دة بياخد مجهود و حوارات و مهاترات لا حصر لها من الأى كلام فاضى و فى الأخر مفيش أى استفادة بأى شكل سوا للهراى او لفلانة دى … و لا اى حاجة غير ضياع وقت و مجهود .
مركزين اوى اوى برضو مع الممثل الفلانى اللى اتجوز الممثلة الفلانية … شكلو .. شكلها .. الفرح .. اللبس … المعازيم .. حتى الأغانى و النمر اللى فى الفرح .. دة حتى من بجاحتهم بقت لحد البيجامة و قميص النوم و شهر العسل و الحالة الصحية فى الصباحية … ياااااة للدرجة دى التفاهة و السطحية و الفراغ العقلى و الأجتماعى اللى انتو فية ؟! .

يجى خبر او ماتش رياضى … و يا سلام بقى تلاقى عندك 90 مليون ناقد كروى و مدرب رياضى .. و المشكلة مش فى التعليقات .. المشكلة فى كمية الوقت و الأيااااااام اللى بتضيع فى كلام واحد جاهل و محدش و لا هيسمعو و لا هيعمل بية و لا لية لازمة فى الحياة اصلاً.

و يا سلام سلم بقى و تبقى بيضالة فى القفص لما يكون الخبر سياسى … يا سيدى يا سيدى على الضرر اللى تطلع منة و لا منها … و يا ريت عن علم … بلا نييييييلة … كلو هرى فى هرى و سفالة و قلة ادب و بس و دى بتكون الشطارة طبعا من وجهة نظرة

السؤال بقى هو مفيش اى حاجة فى حياتكو تشغلكو او تفكرو فيها ؟! مفيش اى طموح ؟؟ مفيش احلام ؟؟ مفيش اى حاجة تشغلو نفسوكو بيها غير الناس التانين حتى لو صحابكو ؟!؟!!
سيبو الناس فى حالها اللة يعمر بيتكو … كل واحد فية اللى مكفية و مش ناقص تركيز اهاليكو معاة و بكمية الفضا و المهاترات دى فواضح انك فاشل … فاشل فى اى حاجة فى حياتك ….بتضايقك كلمة “يا فاشل” ؟ طب يا فاشل يا فاشل يا فاشل يا فاااااااااششششل .
استغل الوقت و اشتغل على فشلك و حسن من نفسك مهو اصلوكو مش احسن ناس فى الدنيا يعنى … محتاجين شغل كتير.

بطلوا تبصو لفلان أو لفلانة علشان تبقو زيهم .. علشان ببساطة مش هيحصل … علشان هية نسخة واحدة و بس من كل واحد او واحدة …ممكن تبص لحد قدوة او مثل أعلى انما عمرك ما هتبقى زية ابدا
فيااااااااريت كل واحد يخلية فى حالة

خليــــــــــــــــــــــــــــك فــــــــــــــى حـــــــــــــــــــــــــــالــك

وايضا.. تامر فؤاد يكتب: بمناسبة السنة الجديدة

وايضا.. محمد الغيطي يكتب: صرخة نوح والتأريخ لوطن الجمال والفن

وايضا.. https://www.facebook.com/anahwa2019/

اظهر المزيد

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى